Marian Rivera at Dingdong Dantes muling pakikiligin ang kanilang mga taga-hanga…
March 5, 2010 | Friday | 12:04 pm
By: Glenn Garcy ( TSISMAXX )
Matapos ang halos kalahating taon ding pagkaka-hiwalay, ay muli na naman raw bubuhayin, hindi lang sa telebisyon kung hindi maging sa pinilakang tabing, ang tambalang Marian Rivera at Dingdong Dantes.
Ayon sa impormasyon na nakalap ng ating tsismosang kapit-bahay, sinimulan na nga raw ngayong araw (March 5) ang pagshu-shooting ng pelikulang “ YOU TO ME ARE EVERYTHING” na pag-bibidahan ng dalawa na isusuperivse ng director na si Mark Reyes under GMA films.
Ani pa ng ating tsismosang kapit-bahay, isa lang raw ito sa mga dapat paka-abangan ng mga taga-hanga nina Marian at Dingdong dahil, matapos nito, ay sa primetime TV naman daw natin makakasama ang dalawa para sa remake ng koreanovelang “ENDLESS LOVE”.
