Sarah Geronimo, super starstruck pa rin kay Judy Ann Santos

March 5, 2010 | Friday | 6:33 pm

By: Glenn Garcy ( TSISMAXX )

Nakakatuwang isipin at pag-masdan, na sa kabila ng kaliwa’t kanang projects, endorsements at awards na natatanggap ng Pop Princess na si Sarah Gernimo, ay nananatili pa rin pala siyang isang taga-hanga ng ilang mga artista, tulad na lang ng kanyang ka-co-star sa pelikulang “HATING KAPATID” na si Judy Ann Santos.

Ayon sa ating tsismosang kapit-bahay, sobrang natutuwa raw si Sarah sa kanyang Ate Juday, dahil bukod sa tinutulungan siya nito sa kanilang mga eksena, ay never din daw ipinaramdam sa kanya ng Drama Princess na isa siyang baguhan.

Dahil dito, looking forward daw lagi si Sarah sa kanilang shooting days at buong tapang na rin, na nangarap ang Pop Star na sana’y maging mas close pa sila ni Juday, kahit pa, matapos na ang pelikulang pag-bibidahan nilang dalawa.