Ama ni Pacman itinangging sangkot ang anak sa gambling
July 31, 2010 | Saturday | 8:03 am
DZRH NEWS
Pinabulaanan ng ama ni 7-division World Boxing Champion at Sarangani Rep. Manny Pacquiao na sangkot ang kanyang pamilya sa illegal gambling matapos magsagawa ng raid ang pulisya sa bahay ng kanyang anak sa General Santos City noong Huwebes.
Giit ni Mang Rosales Pacquiao, wala isa mang miyembro ng kanyang pamilya ang sangkot sa “last 2” gambling operation.
Paliwanag pa ni Mang Rosales, ang 26 na “ushers” na inaresto ng GenSan police sa bahay ng kanyang anak na si Isidra Pacquiao Paglinawan ay mga panauhin niya sa kanyang birthday party sa kanyang bahay na katabi lamang ng bahay ng kanyang anak.
Hindi masabi ni Mang Rosales kung bakit may natagpuang mga gambling paraphernalia sa bahay ng anak.
Inihahanda na ng pulisya ang kasong illegal gambling laban sa 26 kataong naaresto, kabilang na si Isidra.
