Amerika Tutulong Sa Pilipinas sa Usapin ng Spratlys
June 14, 2011 | Tuesday | 4:11 pm
DZRH NEWS
Nangako ng buong suporta ang Estados Unidos sa Pilipinas, partikular sa usapin sa West Philippine Sea.
Sa paglulunsad ng National Renewal Energy Program, sinabi minsmo ni US Ambassador to the Philippines Harry Thomas sa harap ni Pang. Noynoy Aquino ang buong suporta ng Amerika sa Pilipinas at magpapatuloy ang konsultasyon at ugnayan ng dalawang bansa sa lahat ng isyu.
Tiniyak din ni Thomas ang patuloy na suporta ng US sa hangarin ng bansa na makapag-develop ng renewable energy at labanan ang climate change sa pamamagitan ng United States Agency for International Development o USAID.
Una nang inihayag ni Executive Secretary Paquito Ochoa Jr. na pinag-iisipang gamitin ng pamahalaan ang Mutual Defense Treaty sa US sa sandaling mangyari ang aktwal na pag-atake ng China sa territorial dispute sa Spratlys.
Sa ilalim ng Mutual Defense Treaty, magtutulungan ang dalawang bansa sandaling umatake ang isang external party.
