Ampatuan Sr. maaari nang ilipat sa bilangguan
March 5, 2010 | Friday | 8:59 am
DZRH NEWS (MARCH 5, 2010)
Lumakas ang pagkakataon na mailipat ng kulungan mula sa ospital si suspended Maguindanao Gov. Andal Ampatuan Sr.
Ito ay matapos ideklara ng mga military doctors na hindi magiging mapanganib sa kalusugan ni Ampatuan kung siya ay ita-transfer sa bilangguan.
Ang 70-taong gulang na suspended governor ay na-confine sa Eastern Mindanao Command Hospital sa Davao City simula noong nakalipas na taon dahil sa hypertension at pagtaas ng kaniyang sugar level.
Gayunpaman, matapos suriin ng mga military doctors, napatunayan na may sapat na dahilan upang bigyan ng clean bill of health si Ampatuan Sr. na akusado din sa Maguindanao massacre.
