Apat na ‘Euro Generals’ sasabak na sa pulitika
February 24, 2010 | Wednesday | 9:04 am
DZRH NEWS (FEBRUARY 24, 2010)
Hindi lamang isa kundi apat na “Euro Generals” ang nakatakdang pumalaot sa larangan ng pulitika.
Ang apat na retired police generals na tatakbo sa May 10 elections ay sina Silverio Alarcio, Jaime Caringal, Ismael Rafanan at Eliseo Dela Paz, dating comptroller ng PNP na pinigil ng Customs Authorities sa Moscow dahil sa pagdadala ng P6.9 milyon halaga ng Euros noong October 11, 2008.
Sina Dela Paz, Alarcio at Caringal ay kabilang sa PMA Class 1976 habang si Rafanan ay kabilang sa PMA Class ‘75.
Nabatid na tatakbong mayor ang tatlong heneral- Si Alarcio sa Villasis, Pangasinan; sa Cabuyao, Laguna, naman si Caringal habang sa Laoac, Pangasinan si Rafanan.
Si Dela Paz naman ang ikalawang nominee ng partylist group Angat Ating Kabuhayan Pilipinas Inc o ANAK.
