Bagyong kasunod ni ‘Juan’ nagbabantang pumasok sa RP
October 22, 2010 | Friday | 8:07 am
 |
 |
DZRH NEWS
Naging bagyo na ang low pressure area (LPA) na unang namataan ng PAGASA sa lugar na pinanggalingan ng Bagyong Juan sa silangang bahagi ng Pilipinas.
Ang tropical depression na nasa labas pa ng Philippine area of responsibility ay may taglay na lakas ng hangin na umaabot sa 55 kilometro bawat oras malapit sa gitna.
Kumikilos ito sa bilis na 17 kilometro bawat oras patungo sa kanluran hilagang kanluran.
Huling namataan ang bagyo sa layong 2,275 kilometro silangan ng hilagang Luzon.
Samantala, isa pang low pressure area ang namataan ng Joint Typhoon Warning Center (JTWC) na nasa mahigit 2,000 kilometro ang layo silangan ng eastern seaboard ng Pilipinas.
Ayon sa JTWC, nasa fair category pa ang nasabing sama ng panahon at hindi pa rin matiyak ang direksiyon nito dahil sa mga nakakaapektong weather system sa Pacific Ocean.
