CBCP: Hindi Namin Binayaran Si Pacquiao
May 17, 2011 | Tuesday | 4:00 pm
DZRH NEWS
Nililinaw ng Catholic Bishops Conference of the Philippines o CBCP na hindi binayaran si boxing champ Manny Pacquaio para i-endorso ang pagkontra sa RH Bill.
Ayon kay CBCP Secretary General Msgr. Juanito Figura, hindi nila ginagamit si Pacquiao sa kanilang kampaniya laban sa nabanggit na panukalang batas.
Sinabi ni Figura na personal ‘initiative’ umano ni Saranggani Rep. Manny Pacquiao ang pagtungo sa tanggapan ng CBCP para sa talakayan ukol sa kontrobersiyal na isyu ng Reproductive Health Bill.
Kaninang tanghali dumating si Pacquiao sa CBCP main office sa Maynila kung saan ginanap ang permanent council meeting ng mga obispo.
