Celebrities agaw-atensyon sa pagbubukas ng 15th Congress
July 27, 2010 | Tuesday | 7:12 am
DZRH NEWS
Tulad ng dapat asahan, umagaw ng atensyon sa pagbubukas ng 15th Congress si boxing idol Manny Pacquiao at iba pang celebrity na pinalad na maging mambabatas noong nakalipas na halalan.
Nagtayuan ang lahat at nagpalakpakan sa gallery nang tawagin ang pangalan ni Pacman sa roll call bilang kinatawan ng Saranggani Province.
Bukod rito, tinangka pang iboto ang “Pambansang Kamao” bilang House Speaker, kahit siya ay hindi kandidato sa nabanggit na pwesto.
Sinabi ni YACAP party-list rep. Carol Jayne Lopez na dahil hindi naman kandidato si Pacquiao bilang house speaker, minarapat niyang iboto na lamang si Quezon City Cong. Sonny Belmonte.
Bukod sa boxing idol, kabilang din sa naging sentro ng atensyon sina actress Lucy Torres-Gomez, kinatawan ng Leyte, Lani Mercado-Revilla ng Cavite gayundin si dating Unang Ginang Imelda Marcos ng Ilocos Norte.
