Colonel na kinasuhan sa ’06 coup plot, pinalaya na
March 4, 2010 | Thursday | 9:17 am
DZRH NEWS (MARCH 4, 2010)
Laya na ang isang mataas na opisyal ng marines, na kabilang sa mga kinasuhan sa nabigong pagtatangka na ibagsak ang gobyerno noong February 2006.
Ito ay matapos mapatunayan ng military court martial na walang sapat na ebidensiya na mag-uugnay kay Col. Armando Bañez sa nabanggit na pagkilos.
Dahil sa desisyon, awtomatikong ibinalik sa serbisyo ang nabanggit na marine official.
Si Bañez ay matagal na nakulong sa kanilang barracks sa Fort Bonifacio mula nang masangkot sa nabigong kudeta noong 2006.
