COMELEC Naghahanda Pa Rin Para sa ARMM Elections
May 11, 2011 | Wednesday | 4:16 pm
DZRH NEWS
Naniniwala ang Malakanyang na naghahanda pa rin ang Commission on Elections sa gaganaping eleksiyon sa Autonomous Region in Muslim Mindanao sa Agosto.
Ito’y kung hindi mapagtitibay ang bill para sa postponement ng ARMM elections.
Ayon kay Sec. Ricky Carandang ng Communications Group, trabaho ng COMELEC na paghandaan ang ARMM elections bagamat kumpiyansa ang Palasyong maihahabol ang bill para sa postponement ng halalan.
Una rito, pinulong ni Pangulong Benigno “Noynoy” Aquino kahapon ang apat na kaalyadong senador mula sa Liberal Party at nagbigay ang mga ito ng commitment na pipiliting makumbinsi ang iba pang mga senador para suportahan ang bill para mapagpaliban ang ARMM elections.
Batay sa posisyon ni Pangulong Aquino, pabor siya na huwag ganapin sa Agosto ang ARMM elections at isabay na lamang ito sa 2013 midterm elections.
