Counter-SONA, inaasahan na ng Palasyo
July 27, 2010 | Tuesday | 5:11 pm
DZRH NEWS
Inaasahan na ng Malakanyang na sasagutin ng mga tinamaan sa pahayag ni Pang. Noynoy Aquino ang nilalaman ng kanyang State Of the Nation Address.
Ayon kay Pres’l. Spokesman Edwin Lacierda, tanggap ng palasyo na may mga babatikos sa SONA ni PNoy lalo na ang mga nakinabang sa nagdaang Arroyo Administration.
Reaksyon ito ni Lacierda sa inihahandang Counter-SONA nina Sen. Alan Peter Cayetano at House Minority Leader Edcel Lagman.
Binigyang diin ni Lacierda, ang mahalaga ay base sa mga data ang mga ibinulgar ni PNoy na paglustay sa pondo ng nagdaang Pamahalaang Arroyo.
Una rito, nilinaw ng palasyo na hindi nila intensyon na ipahiya ang nagdaang Administrasyon kundi nais lamang ni PNoy na ilahad ang tunay na sitwasyon ng bansa mula sa pamamahala ni Dating Pangulo at ngayon ay Pampanga Representative Gloria Arroyo.
