DepEd Inulan Ng Mga Reklamo Sa Unang Araw Ng Pasukan
June 6, 2011 | Monday | 4:59 pm
DZRH NEWS
Maraming magulang ang problemado kung paano makaka-enroll ang kanilang mga anak ngayong school year kung saan hinold ng ilang private schools ang mga public documents at clearances ng mga estudyante hangga’t di pa nababayaran ang balanse sa matrikula noong nakaraang school year.
Ayon kay Engineer Kristine Asuncion ng DepEd Oplan Balik Eskwela, ito ang madalas na problemang inilalapit sa kanila ng mga magulang ngayon.
Maari naming umanong masulusyunan itong problema sa paraang pagpapasa lamang ng birth certificate ng estudyante kung saan makakaenroll sila pansamantala o tinatawag nilang “temporarily enroll” at bibigyan naman sila ng panahon para maibigay ang mga ibang dokumentong kailangan gaya ng grades.
Ayon naman kay Ernie Talaro, Secretariat ng Oplan Balik Eskwela, mahigit 1,300 na ang bilang ng mga dumudulog sa kanila patungkol sa problema sa mga paaralan kabilang na ang mga text at email.
Transferee requirements, collection fees at mga estudyanteng di na tinatanggap dahil sa kakulangan ng classrooms ang iba pang kinahaharap na problema ng bawat magulang at estudyante ngayon.
