Dinky Soliman haharap sa Truth Commission
July 5, 2010 | Monday | 6:36 am
DZRH NEWS (JUNE 5, 2010)
Handa na si Department of Social Welfare and Development (DSWD) Secretary Dinky Soliman na humarap sa Truth Commission upang linisin ang pangalan sa mahiwagang alokasyon ng P10-bilyong poverty eradication and alleviation certificate bonds sa isang foundation na dating niyang pinamunuan.
Ang naturang kalihim ang pinuno ng grupong Peace Equity Access for Community Empowerment o PEACE Foundation na sinasabing nakinabang sa halos P1-bilyong kinita ng code NGO mula sa P10-bilyong peace bonds.
Gayunpaman, ang naturang bonds ay napaulat na malapit nang “mag-mature” sa susunod na taon, na dahilan upang ma-obliga ang gobyerno na magbayad ng P35-bilyon.
Sinabi ni Soliman na hindi nabanggit ang kaniyang pangalan sa anumang dokumento ng code NGO, kabilang na sa mga naging transaksyon ng naturang foundation.
Binigyang-diin ng DSWD na ang negosasyon para sa bonds ay nangyari matapos niyang iwanan ang NGO nang maging miyembro ng gabinete ni dating Pangulong GMA.
