Evacuation Plan sa Albay Handa Na
May 17, 2011 | Tuesday | 3:57 pm
DZRH NEWS
Nakalatag na ang evacuation plan ng pamahalaang panlalawigan ng Albay para sa mga residente na malapit sa paanan ng Bulkan Mayon.
Ito’y sa oras na itaas na ng Philippine Institue of Volcanology and Seismology sa alert level 2 ang babala sa paligid ng bulkan.
Ayon kay Albay Gov. Joey Salceda, sakaling itaas na sa alert level 2 ang babala, otomatikong ililikas ang mga residente na sakop ng 6 kilometers radius permanent danger zone.
Kaugnay nito, ngayon pa lang naka-deploy na rin ang mga sundalo sa ilang mga bahagi ng paanan ng bulkan para sa mas mabilis na pagtugon sa anumang aktibidad ng bulkan.
Samantala, nakapagtala ngayon ng anim na volcanic earthquakes ang Phivolcs sa paligid ng Mayon.
Habang sa Bulkang Bulusan sa Sorsogon ay nakapagtala naman ngayong araw ng 144 lindol.
