Extradition kay Michael Ray Aquino, hindi pa pinal
March 10, 2010 | Wednesday | 10:25 am
DZRH NEWS (MARCH 10, 2010)
Inamin ng National Bureau of Investigation na masyadong maaga pa para paghandaan ang pagbabalik sa bansa ni dating Police Col. Michael Ray Aquino mula sa Amerika.
Ayon kay NBI Interpol Chief Claro De Castro, bagama’t may kautusan na ang US District Court ng New Jersey na i- extradite si Aquino, maaari pa rin itong kuwestiyunin at i-apela ng akusado.
Ang dating itinuturing na “point man” ni Senador Ping Lacson ay ipinababalik sa Pilipinas matapos makakita ng probable cause ang hukuman na magsasangkot sa kaniya sa Dacer-Corbito Double Murder Case.
Si Aquino ay nauna nang na-convict sa Amerika dahil sa hiwalay na kaso nang pang-e-espiya.
