Full Military Honors Desisyon Ni Gng. Marcos
June 6, 2011 | Monday | 4:58 pm
DZRH NEWS
Nasa kamay pa rin ni dating Unang Ginang Imelda Marcos ang desisyon kung papayag ito o hindi sa panukala ni Vice President Jejomar Binay na ‘full military honors’ sa libing ni Dating Pangulong Ferdinand Marcos.
Ayon sa anak ni Marcos na si Ilocos Norte Gov. Imee Marcos, nasa pag-uusap ng kanyang ina at ni Binay ang pinalidad kung paano ang gagawing paglilibing.
Gayunman sa panig ni Ginang Marcos, tanging ang Diyos lamang umano ang makakapagpasya kung ililibing na o hindi pa ang matagal nang namayapang dating lider ng bansa.
Wala namang inilalabas pang reaksyon ang kampo ni Sen. Bongbong Marcos, hinggil sa panukalang ito ni Vice President Binay.
