Huling Yugto ng Salary Standardization Law Ipapatupad Bago Matapos ang Taon
May 19, 2011 | Thursday | 4:14 pm
DZRH NEWS
Bago matapos ang 2012, ipatutupad na ang huling yugto ng Salary Standardization Law o SSL.
Ayon kay Budget Sec. Butch Abad, sa sandaling makumpleto ang implementasyon ng Salary Standardization Law III, hindi na bababa sa P18,000 ang magiging take-home pay ng mga bagong pasok na government personnel.
Sinabi ni Abad na kasamang makikinabang sa SSL-3 ang mga pulis, sundalo at mga guro.
Sa kabuuan, umaabot na sa 80-percent ang madaragdag sa suweldo ng mga kawani ng pamahalaan sa susunod na taon.
Una rito, iniulat ng Development Bank of the Philippines o DBM na sa halip na sa July ay sa darating na Hunyo na ire-release ang third tranche ng wage hike ng mga government personnel.
