Illegal Fish Cages Sa Batangas Pinababaklas
June 14, 2011 | Tuesday | 4:10 pm
DZRH NEWS
Pinagbabaklas na ang mga iligal na fish cages sa palibot ng Taal Lake sa Batangas.
Ang nasabing operasyon ay epekto ng malawakang fishkill na nangyari, kung saan mahigit 900 toneleda ng isdang bangus at tilapya ang namatay.
Ayon sa Department of Agriculture, tinatayang nasa 1,300 illegal fish cages ang kailangang buwagin.
Batay sa record ng lokal na pamahalaan ng lalawigan ng Batangas, mayroon lamang 6,000 mga palaisdaan sa lawa ang may kaukulang permit.
Apat na demolition team ang inatasan ng mga otoridad para sa dismantling operations na pinapangunahan ng mga tauhan mula sa Agriculture Department, Philippine National Police, mga local government officials at Department of Environment and Natural Resources (DENR).
Ang naturang fishkill incident ay nagtala ng kabuuang P150 million damage kung saan nadamay pa ang ilang bayan sa Pangasinan.
Isinailalim naman sa State of Calamity ang pitong bayan sa Batangas dahil sa lawak ng pinsalang idinulot ng fishkill.
