Kaanak ng Biktima ng Maguindanao Massacre “Nairita”
June 1, 2011 | Wednesday | 4:16 pm
DZRH NEWS
‘Nairita’ ang kaanak ng mga biktima ng Maguindanao Massacre sa ‘not guilty plea’ ni Dating Maguindanao Gov. Andal Ampatuan Sr. sa arraignment nito kanina.
Bagamat inaasahan na umano, hindi pa rin katanggap tanggap ang pagtanggi ni Ampatuan sa malagim na krimen kahit kitang-kita naman umano sa backhoe na ginamit sa paglilibing sa mga biktima ang pangalan nito.
Ayon kay Juliet Evardo, ina ng biktimang si Julito, nakagigigil na patuloy pa rin sa pagtanggi ang mga Ampatuan sa krimen gayong sila lang umano ang may kakayahang gumawa ng maramihang pagpatay dahil sa matinding kapangyarihan.
