Luisita farmers naka-iskor sa Supreme Court
July 30, 2010 | Friday | 7:38 am
DZRH NEWS
Naka-iskor sa Korte Suprema ang mga magsasaka ng Hacienda Luisita na naghahabol ng tamang kaparatan at benepisyo mula sa sugar plantation na pag-aari ng Pamilya Aquino.
Ito ay matapos kastiguhin ng Supreme Court ang pangasiwaan ng hacienda dahil sa desisyon na kaltasan ang 13th month pay ng kanilang mga manggagawa matapos ang marahas na kilos-protesta noong 2004.
Sa unanimous decision ng ikalawang division, idineklara ng mga mahistrado na nagkaroon ng malisya ang Central Azucarera de Tarlac sa ginawang pagkaltas sa tinutukoy na benepisyo.
Dahil sa pangyayari, inutusan ng high court ang operator ng sugar mill at refinery sa hacienda na i-respeto at pairalin ang matagal nang formula sa pag-compute ng kanilang bonus.
Ayon sa ruling, masama ang timing ng ginawang pagkaltas sa 13th month pay ng mga Luisita workers dahil ito ay ipinatupad matapos ang madugong strike noong 2004 na ikinasawi ng 14 katao at ikinasugat ng maraming iba.
