Luisita workers kibit-balikat sa ruling ng SC
July 31, 2010 | Saturday | 7:04 am
DZRH NEWS
Ipinagkibit-balikat lamang ng mga magsasaka sa Hacienda Luisita ang ruling ng Korte Suprema tungkol sa adjustment ng 13th month pay ng iba pang manggagawa sa nabanggit na plantasyon.
Ipinahayag ni Lito Bais ng United Luisita Workers Union na ang tinutukoy na adjustment ay noon pang 2006 iginawad para sa may 300 miyembro ng Central Azucarera de Tarlac Labor Union o CATLU.
Sinabi ng union leader na sa halip na usapin sa paggawa, napapanahon na bigyan ng prayoridad ng high court ang pagresolba sa matagal nang naka-pending na petisyon para alisin ang temporary restraining order (TRO) laban sa isang desisyon ng Presidential Agrarian Reform Council noong 2005.
Ayon kay Bais, dahil sa nabanggit na kautusan, nakabitin pa rin ang matagal nang kahilingan na isa-ilalim sa land reform ang mahigit sa 4, 000 ektarya ng lupain sa Hacienda Luisita.
