Malacanang: Wag Muna Pag-usapan ang OIC sa ARMM
June 16, 2011 | Thursday | 4:30 pm
DZRH NEWS
Maaga pa para pag-usapan ang pagtatalaga ng OIC Governor sa Autonomous Region in Muslim Mindanao.
Sagot ito ni Sec. Ricky Carandang ng Communications Group matapos umugong ang pangalan ni Dating Congressman Mujiv Hataman na umano’y napipisil ni Pangulong Noynoy Aquino na maging OIC sa ARMM.
Ayon kay Carandang, bagamat napagtibay na ang bill na naglalayong i-postpone ang ARMM elections, hindi pa natatanggap ng Pangulo ang enrolled copy ng panukalang batas.
Sinabi ni Carandang na sa ngayon ay dapat na igalang muna ang proseso bagamat may binubuo ng guidelines sa pipiliing OIC sa ARMM at malagdaan ni Pangulong Aquino ang bill na nagpapaliban ang ARMM elections sa Agosto at isabay na lamang ito sa 2013 midterm elections.
