Manny Villar, nangunguna sa listahan pagdating sa tiwala ng taong bayan
February 25, 2010 | Thursday | 8:46 am
DZRH NEWS (FEBRUARY 25, 2010)
Sa mga kandidato sa pagka-pangulo, si Nacionalista Party presidential bet Manny Villar ang mas pinagkakatiwalaan ng nakararaming Pilipino.
Ito ay batay sa pinakahuling survey ng Pulse Asia noong Enero 22 hanggang 26 na nilahukan ng may 1,800 respondents. Nakakuha si Villar ng 70 percent “big trust” habang pumapangalawa naman ang mahigpit nitong katunggali na si Liberal Party Standard Bearer Noynoy Aquino na nakakuha naman ng 64 percent.
Sumunod kina Villar at Aquino si dating pangulong Erap Estrada, 33 percent, Gilbert Teodoro, 32 percent, Dick Gordon, 26 percent , Eddie Villanueva, 15 percent, at Jamby Madrigal, 14 percent.
Isinagawa ang survey habang nasa kainitan ang pagtalakay ng senado sa c-5 Road Extension Project Scandal.
Sa Vice Presidential Race, pinakamataas ang trust rating ni Senador Mar Roxas na nakakuha ng 73 percent, Sumunod si Loren Legarda, 61 percent, Jojo Binay, 44 percent, Edu Manzano, 20 percent at Bayani Fernando, 18 percent.
