Mga Mahistrado ng Sandiganbayan Kinasuhan sa DOJ
May 18, 2011 | Wednesday | 3:59 pm
DZRH NEWS
Kinasuhan sa Department Of Justice ang mga mahistrado ng Sandiganbayan na nag-apruba sa plea bargain deal ni dating AFP Comptroller Carlos Garcia at tanggapan ng Ombudsman.
Inihain ang reklamo sa DOJ nina dating AKBAYAN Rep. Risa Hontiveros, Leah Navarro ng onward malinis na gobyerno at Retired Gen. Danilo Lim.
Sa anim na pahinang complaint affidavit, inireklamo sina Sandiganbayan Justices Edilberto Sandoval, Teresita Baldos at Sammuel Martires dahil sa minadaling pag-apruba sa plea bargain agreement o ‘di makatuwirang pasya na paglabag sa revised penal code.
Ayon kay Hontiveros, hindi sinunod ng Sandiganbayan ang mandato nito bilang anti-graft court matapos makipagtawaran sa kaso ni Garcia.
Sa panig ni Lim, masyado anyang pabor sa akusado ang plea deal at dapat na kinuha muna ng Sandiganbayan ang panig ng AFP hinggil sa aregluhan bago nagdesisyon.
