Mga obispo, hinimok ang mga artistang huwag mag-endorso ng condom
March 11, 2010 | Thursday | 10:17 am
DZRH NEWS (MARCH 11, 2010)
Hinimok ng mga obispo ang mga artista na tanggihan ang anumang alok na maging endorser sa paggamit ng condom.
Ayon kay Jaro, Iloilo Bishop Angel Lagdameo, mababahiran ang imahen ng mga taga-showbiz kapag sumang-ayon na maging kasangkapan sa promosyon ng mga kahalintulad na sensitibong produkto.
Pinaalala ng dating CBCP president na dahil sa kanilang impluwensiya, inaasahan sa mga artista ang magandang ehemplo bilang tagapagtaguyod ng moralidad, lalo na ng mga kabataan.
Ginawa ni Bishop Lagdameo ang pahayag matapos i-anunsyo ng DOH ang planong pagkuha ng mga artista para sa promosyon ng condom.
