NDF chair: peace talks taktika ng gobyerno
August 2, 2010 | Monday | 6:34 am
DZRH NEWS
Kinabahan ang mga naka-exile na lider ng makakaliwang grupo sa plano ng bagong administrasyon na isama sa usaping pangkapayapaan ang mga lider ng New People’s Army (NPA).
Sinabi ni National Democratic Font Chairman Luis Jalandoni na ang tinutukoy na taktika ay pakana lamang upang hatiin ang kanilang kilusan sa pamamagitan ng localized peace talks.
Ayon sa exiled communist leader, marami nang beses sinubukan ang nabanggit na istratehiya, subali’t ito ay hindi naman nagtagumpay.
Ginawa ni Jalandoni ang pahayag sa harap ng panawagan na isali sa negosasyon ang mga NPA leaders na tuwirang nakikipaglaban sa gobyerno, sa halip na ituon ang pansin sa grupo nina Jalandoni at Joma Sison na nagpapasarap lamang sa Netherlands.
