Ogie Alcasid at Regine Velasquez kinumpirma na ang kanilang wedding date
October 30, 2010 | Saturday | 8:07 am
 |
 |
Kinumpirma na ng singer-composer na si Ogie Alcasid at Asia’s Songbird Regine Velasquez ang date ng kanilang pag-iisang dibdib na magaganap bago matapos ang taong 2010.
Sa darating na December 22 ang nakatakdang kasal ng showbiz couple sa Punta Fuego beach resort sa Nasugbu, Batangas.
Bagamat busy pa rin ang dalawa sa paghahanda ng kanilang kasal, bakas naman ang kasiyahan sa dalawang singer dahil sa kanilang nalalapit na private wedding.
Natutuwa naman si Regine dahil sa tulong na ibinibigay ng ex-wife ni Ogie na si Michelle van Eimeren.
Sa katunayan, magiging flower girls pa sa kanilang kasal ang dalawang anak na babae ni Ogie kay Michelle.
