P1.5-B damage suit vs. Audi ibinasura ng CA
January 17, 2011 | Monday | 7:35 am
DZRH NEWS
Ibinasura ng Court of Appeals ang P1.5-bilyong damage suit laban sa German auto maker na Audi ng dahil sa kawalan ng jurisdiction.
Ginawa ng appelate court ang desisyon matapos katigan ang naunang kahalintulad na ruling ng Pangasinan Regional Trial Court.
Ang naturang German luxury car maker ay idinemanda ng estafa ng Auto Prominence Inc. at Proton Pilipinas Corp. noong 2004 matapos magpasya na tapusin na ang direct dealership contract sa mga complainants.
Gayunpaman, idineklara ng Court of Appeals na ang execution ng nabanggit na kontrata ay ginawa sa Germany, kung kaya’t ang anumang ligal na usapin sa nabanggit na deal ay dapat resolbahin sa nabanggit na bansa.
