P5-M pabuya binigay ng PDEA sa 6 civilian informants
July 31, 2010 | Saturday | 7:45 am
DZRH NEWS
Nagpalabas ng P5-milyong pabuya ang Philippine Drug Enforcement Agency (PDEA) para sa anim na sibilyan na tumulong sa malalaking operasyon ng ahensiya ngayong taon.
Sinabi ni PDEA Chairman Dionisio Santiago na partikular na kinilala ang mga naturang impormante sa paglansag ng mga malalaking laboratoryo ng droga.
Ipinahayag ng opisyal na dahil sa tulong ng anim na civilian informants, nadakip ng PDEA ang mga itinuturing na high value targets.
Ni-release ng PDEA ang P5-milyong pabuya sa pagdaraos kahapon ng ika-walong anibersaryo ng kanilang tanggapan.
