Pacquiao, tatapusin agad ang laban nila ni Clottey
March 12, 2010 | Friday | 10:51 am
DZRH NEWS (MARCH 12, 2010)
Pursigido si Boxing Idol Manny Pacquiao na agad tapusin ang laban kay Joshua Clottey sa kanilang pagtutuos sa araw ng bukas sa Amerika, o Linggo dito sa Maynila.
Ayon sa impormasyon, plano ni Pacman na maagang ma-knockout ang pambato ng Ghana, upang hindi na ito makahirit ng maruming taktika kapag tumagal pa ang laban.
Ang naturang game plan ay taliwas sa diskarte ni Coach Freddie Roach na pigilin ang panggigigil ni Pacman upang makaiwas sa patibong ni Clottey.
Ayon kay Roach, bukod sa matinding upper cut, ang patibong na kaniyang tinutukoy ay ang head -butt na madalas gamitin ni Clottey sa tuwing nakikipagsabayan ang kaniyang kalaban.
Batay sa pagtaya ng premyadong coach, tatapusin ni Pacquiao ang laban sa ika-7 hanggang ika-siyam na round, bagama’t determinado umano ang boxing idol na maagang patulugin ang pambato ng bansang Ghana.
