Pag-abolish sa STL minaliit ng PCSO
July 24, 2010 | Saturday | 9:10 am
DZRH NEWS
Minaliit ng Philippine Charity Sweepstakes Office (PCSO) ang tiyansa na ipahinto ang operasyon ng small town lottery (STL) sa harap ng kahilingan ng simbahang katoliko na ito ay buwagin na.
Ipinahayag ni PCSO Chairperson Margarita Juico na kapag in-abolish ang STL, lalakas ang jueteng at walang matatanggap na revenue ang gobyerno mula sa nabanggit na illegal numbers game.
Sinabi ng bagong PCSO head na mananatili ang STL hangga’t walang alternatibong kapalit para sa operasyon ng small town lottery.
Ang STL ay binuo upang supilin ang jueteng, subali’t naniniwala ang simbahan na ito ay nagagamit bilang front ng nabanggit na sugal.
