PAL employees, naghain na ng reklamo sa DOLE
September 9, 2010 | Thursday | 6:21 pm
DZRH NEWS
Naghain na kanina ng Notice of Strike sa Dept. Of labor and Employment ang may 1,600 miyembro ng Phil. Airlines– Flight Attendants and Stewards Association of the Philippines.
Ayon kay FASAP President Bob Anduiza, sagot nila ito sa maling patakaran ng pal na sipain sa trabaho ang mga flight attendant ng PAL na edad 40 pataas.
Nagbanta si Anduiza na sa susunod na buwan o sa Nobyembre sisimulan na nila ang serye ng protesta na maaaring magbigay ng 40 hanggang 60 milyong pisong pagkalugi sa flag-carrier.
Bigo umano ang negosasyon sa pagitan ng flight attendants at management ng PAL dahil sa paggigiit ng management na alisin na sa serbisyo ang mga flight attendants na tumungtong na sa edad na 40, bagay na mariing ipino-protesta ng mga empleyado.
