Pilar Pilapil Bumisita Sa CIDG
June 1, 2011 | Wednesday | 4:14 pm
DZRH NEWS
Surpresang binisita ngayon ni actress Pilar Pilapil ang tanggapan ng Criminal Investigation and Detection Group ng PNP.
Kaugnay ang pagbisita ni Pilapil sa isinasagawang imbestigasyon ng CIDG sa kasong isinampa nito laban sa mga suspek na tumangay sa kanyang sasakyan at sumaksak sa kanya noong gabi ng Abril 14.
Ayon kay CIDG Director Chief Superintendent Samuel Pagdilao Jr., seryoso si Pilapil sa pagpursige sa kaso.
Gayunman, aminado si Pagdilao na nahihirapan ang kanyang mga tauhan sa pagtutuloy ngh imbestigasyon dahil wala pang inilalabas na arrest warrant laban sa pangunahing suspek na si Rosel Peas, na kasama ni Pilapil ng mangyari ang krimen.
Ngayong araw nakatakdang lagdaan ni Pilapil ang kanyang sinumpaang saalysay sa Antipolo Fiscals Office para maging batayan sa paglalabas ng arrest warrant sa mga pangunahing suspek sa krimen.
