PNoy lilipat na sa Bahay Pangarap
July 29, 2010 | Thursday | 7:02 am
DZRH NEWS
Inaasahang lilipat na si Pangulong Noynoy Aquino sa Bahay Pangarap na magiging official residence niya sa susunod na anim na taon.
Ayon kay Col. Ramon Mateo Dizon, commander ng Presidential Security Group, ang target nila sa paglipat ay bago ang August 2 kaya posibleng ngayong weekend maganap paglilipat ni PNoy.
Sinabi ni Dizon na kung hindi matutuloy ang paglipat bago ang August 2 ay baka matagalan uli dahil ang sabi ng feng shui, dapat wag umabot ng August 2 ang pag-transfer ni PNoy sa kanyang magiging official residence.
Tiniyak din ng opisyal na halos tapos na ang renovation sa Bahay Pangarap at inaayos na lamang ang ilang minor details.
Dahil dito, mananatili muna si Aquino sa kanyang bahay sa Times Street sa Quezon City habang hindi nakakalipat sa Bahay Pangarap na nasa loob din ng Malacañang.
