Pulis-Maynila Na Inakusahan Ng Rape Hinarap Na Sa Media
May 18, 2011 | Wednesday | 4:01 pm
DZRH NEWS
Iniharap na kay Manila Mayor Alfredo Lim at sa media ang pulis-Maynila na inakusahan ng panggagahasa.
Nakatikim ng mga sipa at mura si PO3 Antonio Bautista Jr. mula sa kanyang umano’y biktima na itinago lang sa pangalang ‘Rosie’ nang magkaharap sila sa press conference sa Manila City Hall.
Bisperas ng bagong taon nang hulihin ni Bautista at pagsamantalahan umano ang tinderang si ‘Rosie’ sa loob ng Manila Police District Headquarters.
Naaresto si Bautista sa kanyang tinutuluyang bahay sa Masambong, Quezon City.
Depensa ni Bautsita, prostitute si ‘Rosie’ na nais lang siyang ‘perahan’ kaya umano siya inakusahan ng rape.
