Residente sa Taguig Inilikas Dahil sa Tubig Baha
May 25, 2011 | Wednesday | 3:56 pm
DZRH NEWS
Dahil sa bigla at malakas na buhos ng ulan, ilang residente sa Metro Manila ang kinailangang ilikas makaraan na tumaas ang tubig baha.
Partikular na inilikas ang ilang residente ng Brgy. Lower Bicutan sa Taguig na umabot hanggang tuhod ang tubig baha.
Kagabi naman inilikas rin ang may 30 pamilya mula sa Brgy. Bagumbayan sa Taguig City, matapos bahain rin ang kanilang mga bahay.
Ngayong hapon, bumuhos ang napakalakas na ulan sa ilang bahagi ng Metro Manila, kung saan nahirapan rin ang ilang motorista, partikular sa Quezon City na nakaranas pa ng zero-visibility.
