Samar Province Nasa Signal Number 1
May 24, 2011 | Tuesday | 4:05 pm
DZRH NEWS
Naka-puwesto na ang Emergency Response Teams sa tatlong lalawigan sa Samar na nasa ilalim ng Signal Number 1.
Sa Eastern Samar, partikular na binabantayan ang sitwasyon sa coastal towns nito na siyang unang makakaranas ng hagupit ng hangin at ulang dala ni ‘Chedeng’
Gayundin, sa Northern Samar na karamihan sa mga baybaying bayan ay siyang makakaranas ng hagupit na dala ng hangin at ulan ng bagyo.
Apat na evacuation centers ang binuksan sa Eastern Samar para sa mga residenteng nakatira malapit sa mga baybaying dagat habang anim (6) na evacuation centers naman ang maaring takbuhan ng mga residente sa Northern Samar.
Habang sa Samar province, naka-alerto na rin ang Provincial Disaster Risk Reduction Management Council sa posibleng evacuation sa pagtaas ng mga catch basin at river system sa lalawigan.
