SK nat’l prexy nahaharap sa graft case
October 22, 2010 | Friday | 7:38 am
 |
 |
DZRH NEWS
Nahaharap sa patong-patong na kasong graft sa Ombudsman ang national president ng Sangguniang Kabataan federation.
Ayon sa reklamo, sangkot umano si Jane Censoria Cajes, ex-officio commissioner ng National Youth Commission sa multi-milyong pisong procurement ng mga produkto at serbisyo na hindi dumaan sa public bidding.
Ipinahayag nina Manuel Ferdinand de Erio at Leo Udtohan ng Bohol na ginamit din umano ng youth leader ang pera ng tanggapan sa kaniyang mga beauty treatment at iba pang klase ng luho.
Sinabi ng dalawang complainants na hindi dumaan sa bidding ang transaksyon ni Cajes sa supplier ng mga bags, t-shirts at tarpaulins na ginamit ng mga delegado sa SK National Congress sa Cebu City noong 2008.
Idinagdag ng mga complainants na naulit ang kahina-hinalang deal noong 2009 sa kahalintulad na pagtitipon ng mga lider kabataan sa Subic Bay.
