SPORTS: Pacman, lumapag na sa Texas
March 10, 2010 | Wednesday | 9:47 am
DZRH NEWS (MARCH 10, 2010)
Dumating na sa Dallas, Texas si boxing idol Manny Pacquiao, limang araw bago ang kaniyang pagdepensa ng korona laban kay Joshua Clottey ng Ghana.
Kasama ni Pacman sa biyahe mula Los Angeles ang kaniyang trainer na si Freddie Roach, gayundin ang kaniyang conditioning coach na si Alex Ariza at iba pang sakay ng Boeing 737 ng Miami Air International.
Ayon sa impormasyon, umabot sa 141 katao ang naghatid sa boxing idol sa Forth Worth Alliance Airport sa Dallas City.
Sa kaniyang pagbaba sa eroplano, nangako si Pacman nang magandang laban, bagama’t tumanggi ito na sabihin kung matatapos sa knockout ang nabanggit na showdown.
Itataya ni Pacquiao sa bakbakan ang kaniyang welterweight belt sa World Boxing Organization.
