State of Calamity, idedeklara sa Mindanao
March 11, 2010 | Thursday | 10:17 am
DZRH NEWS (MARCH 11, 2010)
Inaasahang ide-deklara ni Pangulong Gloria Arroyo ang state of calamity sa Mindanao kung saan dumaranas ito ng mahabang rotating brownouts epekto ng El Niño phenomenon.
Kinumpirma ni Mindanao Development Authority Chairman Jesus Dureza na hawak na ng pangulo ang draft proclamation at inaasahan niyang nalagdaan na ito kahapon ng hapon.
Ito ay batay na rin sa rekomendasyon ni Defense Secretary at NDCC Chairman Norberto Gonzales upang kaagad masolusyunan ang matinding epekto ng tagtuyot sa mga pananim at pagne-negosyo sa rehiyon.
Sa ilalim ng state of calamity, mas magiging mabilis ang daloy ng pondo at tulong sa Mindanao at mabibigyan ng kapangyarihan ang Department of Energy na magsagawa ng mga hakbang para palakasin ang power generation sa nasabing rehiyon.
