US carrier darating sa Maynila ngayon
September 4, 2010 | Saturday | 7:51 am
DZRH NEWS
Darating ngayong araw sa bansa ang isang barkong pandigma ng Amerika para sa apat na araw na goodwill visit.
Sakay ang halos 7,000 marino, ang USS George Washington Carrier ay naka-schedule na dumaong sa Manila Bay ngayong araw.
Ayon sa Department of Foreign Affairs, kasama ng nabanggit na nuclear-powered aircraft carrier ang USS Cowpens at Destroyers USS John McCain at USS Campbel.
Nangyari ang huling kahalintulad na port call noong August 2009 kung saan kumita ang bansa ng hindi bababa sa $7 milyong dolyar mula sa hotel bookings, sight -seeing at iba pang aktibidad ng mga U.S. sailors.
Ang bibisitang U.S. carrier group ay malugod na sasalubungin ng mga opisyal mula sa Philippine Navy.
