Walang extra pork para sa mga sectoral reps
October 22, 2010 | Friday | 7:26 am
 |
 |
DZRH NEWS
Nabigo ang mga party-list representatives sa panggigigil na madagdagan ang kanilang pork barrel para sa susunod na taon.
Ito ay matapos tanggihan ni House Speaker Feliciano Belmonte ang kahilingan ng mga naturang kinatawan na “maambunan” ng P50-milyong karagdagang pork barrel, tulad ng tinanggap ng mga regular na miyembro ng kamara.
Gayunpaman, tiniyak ni Belmonte na hindi bababa sa P15-milyon ang magiging shares ng mga party-list lawmakers mula sa kita ng Road User’s Tax.
Kasabay nito, pinaalala ng House speaker sa mga kinatawan na ang nabanggit na pondo ay nakalaan lamang para sa mga road maintenance project, alinsunod sa Section 7 ng Republic Act 8794.
