Lea Salonga kinumpirma na di siya kasali sa “Glee”

July 6, 2010 | Tuesday | 6:29 pm

Nilinaw ni international theater singer Lea Salonga na hindi siya kasali o sasali sa sikat na sikat at pinag-uusapang American comedy series na “Glee”. Napabalita kasi nitong mga nakaraang linggo na gaganap siyang ina ni international singing sensation Charice.

Sinabi ng batikang international theater singer sa interview niya with The Buzz na wala daw offer sa kanya mula sa mga producers ng Glee. Hindi nga din niya alam kung saan nagmula ang mga spekulasyon tungkol dito.

Kung magkaroon man dawn ng offer na gawin niya ang nasabing role na maging ina ni Charice, na gaganap na foreign exchange student sa Glee, open naman daw siya. Isa kasi ang Glee sa mga paboritong TV shows ni Tony Award-winning theater actress Lea Salonga.

Kamakailan lamang ay kinumpirma na rin kasi ni Charice ang pagsali nito sa next season ng Glee.

Samantala, ang pinagkakaabalahan niya ngayon ay ang nalalapit na pagbubukas ng “Cats”, one of the well-loved and longest running musicals on Broadway, sa CCP Tanghalang Nicanor Abelardo simula July 24 hanggang August 15, 2010. She’ll play “Grizabella” who sings alto.