Radyo? Dalawa Lang Yan! concert sa Tondo, 168 Mall inulan ng tao
October 13, 2011 | Thursday | 2:28 pm
(CLOCKWISE FROM TOP) Ang itsy-bitsy-pinky oversized ribbon ni Maria Maldita at Emma Harot; Diego Bandido with PYT; Biboy Bibbo in 168 Mall; Kinanta ni Kristine Dera ang Sulat para sa Radyo? Dalawa Lang Yan! concert; Bakit kaya nag-make face si Chico Loco?
Doble-doble ang saya kasama ang 101.1 YES! FM noong Sabado, para sa patuloy na pagsugod ng “Radyo? Dalawa Lang Yan! The Concert Series” sa iba’t-ibang lugar sa Metro Manila.
Maliban sa ulan na dala ng panahon, inulan din ng tao ang tapat ng Sto. Niño Church sa Tondo, Manila dahil sa libreng concert mula sa 101.1 YES! FM at 90.7 Love Radio.
Kahit pa siksikan sa dami ng tao, hindi nagpa-pigil ang mga taga-Tondo masilayan lang ang mga DJs ng YES! FM na sina Diego Bandido, Emma Harot, Kristine Dera, Robin Sienna, Totoy Bato, Maria Maldita, Chico Loco, Biboy Bibbo, at ang mga pambansang jokers sa radyo na sina Bruno, Brownie at Beauty.
“Thanks so much Tondo sa mainit na pag welcome sa aming Radyo Dalawa concert. Umuulan, yet ang daming tao,” ayon sa post ni Kristine Dera sa kaniyang official Facebook page.
Hindi rin makukumpleto ang gabi sa Tondo kung wala ang mainit na kantahan mula kina Andrew E., Rivermaya, at ang all-female group na Pretty Young Thing (PYT).
“Thanks YES FM 101.1!!! we had a blasst last Saturday at Tondo.. Thanks Thanks.. see you again soon! much love,” pasasalamat ng PYT.
“salamat YES FM!” dagdag ng Rivermaya.
Samantala, nauna nang nagkaroon ng isang libreng concert noong Sabado sa 168 Mall bilang bahagi pa rin ng “Radyo? Dalawa Lang Yan! The Concert Series”.
Pasado alas-dos ng hapon nag-simula ang kasiyahan sa 168 Mall kasama ang dalawang YES! FM DJs na sina Kristine Dera at Biboy Bibbo.
Guest artists ang mga singing heartthrobs na sina Bryan Termulo at Mike Tan kasama ang mga nagseseksihang miyembro ng Playgirls.
