Tila nagsilbing superhero ni Dr. Mike Padlan ang kaniyang anak na si Miguel Lorenzo Padlan. Dinepensahan kasi ni Miguel ang kaniyang ama laban sa mga paratang sa naging hiwalayan nila ni Kris Aquino.

March 16 nang mag-post ang Queen of All Media ng update tungkol sa kaniyang kalusugan. Sa parehong post, ibinulgar niya ang pag-iwan diumano sa kaniya ng ex-boyfriend na doctor dahil daw gusto nitong mag-travel at nahihirapan na ito sa kondisyon niya.

View this post on Instagram

A post shared by Kristina Bernadette Cojuangco Aquino (@krisaquino)

Pinalagan naman ito ni Miguel sa isang Facebook post na pinamagatan niyang "A Son's Love and Truth: Defending My Father's Honor."

Nawalang spark daw ang dahilan kung bakit sila naghiwalay at hindi totoong hindi minahal ng kaniyang ama ang TV host. Sila pa nga raw magkakapatid ang napapabayaan dahil sa pag-travel ng tatay nila kasama si Kris. "We love you, Mama Kris, and we love our father as well. Family is family. That is why I am here to support my father and stand by my family," pagtatapos ni Miguel. Sa post na ito, nagpahayag din ng suporta ang ilang mga kaibigan ng pamilya, maging ng ilang netizens.