ON- AIR NA MULI ang 101.5 Love Radio General Santos at 94.3 DZRH News FM General Santos! Noong June 20, tagumpay silang nakapag-resume ng kanilang pag-ere mula sa isang bagong facility, 12 days lang matapos silang tamaan ng malakas na lindol na nagpatigil sa kanilang operations.

Ligtas ang buong staff ng istasyon at dahil sa mabilisang recovery at restoration efforts, handang-handa na naman silang maghatid ng balita, impormasyon, at saya sa listeners ng buong GenSan!

Naging posible ang mabilisang pagbalik na ito dahil sa pagtutulungan ng mga station personnel, engineers, support teams, at ng management na walang pagod na nagtrabaho para maibalik ang broadcast operations at muling makakonekta sa mga komunidad na kanilang pinaglilingkuran.

“While we lost our home, we never lost our commitment to serve. Our focus remained clear: to restore our operations as quickly and safely as possible and continue providing information, public service and entertainment to our listeners,” sabi ni Mr. Jun Nicdao, President ng MBC Media Group.

Ang pagbabalik na ito ay isang malaking milestone matapos ang lindol, at pinapakita nito ang katatagan at dedikasyon ng buong team.

“Today’s return to the airwaves reflects the resilience, dedication, and commitment of our people. We are deeply grateful for the overwhelming support of our listeners, partners, local government units, and the entire General Santos community. Their encouragement helped make this recovery possible and reaffirmed the enduring connection we share with the people we serve,” dagdag pa ni Nicdao.

Ngayong back in business na ang operations, asahan ninyong ang 101.5 Love Radio General Santos at 94.3 DZRH News FM General Santos ay patuloy na maghahatid ng entertainment, pinagkakatiwalaang balita, impormasyon, at public service programming na inaasahan ng mga tao sa rehiyon araw-araw.