Ubusan na ‘to ng ipon, Liwanags! Kasado na ang The Travellers Across Dimension world tour ng Ben&Ben at solid ang ipinangko nilang experience para sa lahat ng manonood. Sisimulan nila ang ‘TTAD’ tour sa kanilang Cebu show sa May 24, kasunod naman ang Bacolod show sa June 8, at Davao show sa June 22. Bagama’t California at Singapore pa lang ang international locations nila, asahan daw ng fans na ito ay madadagdagan pa.

Kasama sa pasabog ng Ben&Ben ang ‘Liwanag LED wristbands’ at maraming LED screens para sa pagpapalabas ng animated story nila tungkol kay ‘Liwanag,’ ang main character na iniikutan ng kanilang album. Inaabangan na ng kanilang fans ang panibagong concert experience na ito, at ang 9-piece band ay handa na rin ipakita sa lahat kung ano ba ang hitsura ng bagong Ben&Ben.

“We are excited to bring the songs from The Traveller Across Dimensions to various stages all over the Philippines and the world. We’ve shown a glimpse of this story in our 'Triumph' music video, but the concert will reveal the full narrative in a way that no one has seen before. We are also grateful for the support of our tour promotions team for paving the way for us to spread light and love to music lovers beyond Philippine shores through our songs,” sabi ng Ben&Ben sa isang press conference.

Available na ang tickets para sa kanilang Cebu show sa ovationtickets.com. ‘Takits tayo, YesPren!