Sayang, hindi si Xian! KIMI! Mali pala ang hinala nating lahat, mga YesPren! Hindi ang “Pambansang Marites” ang tinutukoy sa screenshot ng legal complaint na in-upload ni Atty. Joji Alonso noong nakaraang linggo.

Nitong August 18, nagtungo ang P-Pop group sa Hall of Justice ng Sta. Rosa, Laguna para pormal na ihain ang kanilang kaso laban sa isang unnamed respondent.

“We filed a cybercrime case under Section 4 (b) of Republic Act 10175 or better known as the Cybercrime Prevention Act of 2012. And this is in conjunction with unjust vexation or Article 287 of the Revised Penal Code,” paliwanag ni Atty. Nilinaw din niya na hindi ito libel case.

Ang reklamo ay dahil sa sadyang pagbabago ng narrative ng “BINI Tries & Rates Filipino Snacks!” Sa halip na ipakita ang buong 20–25-minute video, pinutol umano ng uploader at pinili lamang ang mga clip na naglalaman ng mga negative reaction at comment ng grupo.

Lubos daw itong nakaapekto sa mental at emotional state ng BINI. Sa kanilang pagtindig, nais ng grupo na magsilbing paalala ito sa lahat na maging responsable sa paggamit ng social media.

“BINI is now taking the stance to stop this kind of online bullying, this kind of online abuse. Because this can happen to anyone, to any unnamed person—from the highest of the highs to the lowest of the poor. And it’s high time that this should stop,” sabi ng abogado.

Kung mapatunayang guilty, maaaring makulong ang uploader nang hindi bababa sa anim na taon at isang araw. Bukod pa rito, humihingi rin ng danyos na tig-₱1 million para sa bawat miyembro ng grupo.

Kaya mga YesPren, think before you click!