Mukhang mas mainit pa raw ang laban sa bench ng kumakalat na video ngayon ng volleyball player na si Deanna Wong. Kita kasi rito ang tila pagtataray niya sa isang fan na gustong magpa-picture sa kaniya.

Sa Facebook reels na pinost ni Tonio Dilinger, mapapanood na habang nakaupo si Deanna ay may lumapit sa kaniya, subalit mabilis ding umalis nang may sabihin ang player.

Hula ng netizens, hindi raw pinayagan sa selfie ang babae. Nagsulputan naman ang iba't ibang reaksyon mula sa mga basher at fan ng atleta.

I don't know why Deanna Wong has this immense number of supporters. Cuz aside from she's so full of her self and has attitude problems, she's not even magaling na setter 😂. Mas naungusan pa nga sya ni Mars Alba wkwkwkwk.

— Jwn 🇵🇸🍉 (@dntlrp) March 24, 2025

Sikat na naman ang bebe Deanna Wong namin.. go lang sa haters at bashers.. pero di nya babaguhin ugali nya para i-please kayo..
Pero para saming nagmamahal sa kanya at nameet na sya up close, hindi sya masungit at suplada..
Nababash sya bcoz of a less than 30 secs na video..🙄 pic.twitter.com/Drul4RWcK6

— ⚓ (@molecules87) March 25, 2025

Wala pa namang sagot si Deanna Wong tungkol sa issue na ito, pero patuloy naman ang kaniyang mga fan sa pag-serve ng mga picture online para makapuntos ang kanilang kampo.